PROŠEAVTTA BIRRA


Oahpásnuva bussáčivgga guoktáin Elliin ja Májjáin. Čuovo sudno girjás vásáhusaid 25 oasi čađa. Ilbmá geassemánus 2022!


Oahpásnuva bussáčivgga guoktáin Elliin ja Májjáin. "Elle & Májjá máilbmi" lea digitála jietnagirjeráidu smávvamánáide podkásta-hámis. Ráidu almmuhuvvo sihke davvisámegillii ja dárogillii. Juohke oasis leat sullii 10 minuhta guhku fearánat bussáčivggaid Elle ja Májjá ja iešguđetge dáhpáhusaid birra maid soai vásiheaba. Čuovo sudno girjás vásáhusaid 25 oasi čađa. Prošeakta lea ruhtaduvvon Norgga Sámedikki doarjagiin.


Elle ja Májjá orruba muhtin dálus guhkkin doppe Bizobázovuovddis. Doppe soai orruba ovttas spiinniin, gusain ja vuonccáiguin, ja riebaniin, garjjain, vuovddi gonagasain - ealggain - ja visot daiguin eará elliiguin geat orrot vuovddis das lahka. Vári nalde lea jávri, ja doppe lea Elle ja Májjá mielas oba gelddolaš fitnat. Oainnat doppe orru hávga.


Elle ja Májjá eaba leat dego eará bussáčivggat. Soai oainnat leaba máilmmi searamus bussáčivggat! Ja máilbmi gal ii leat unni. Okte lea Májjá ribahan nahkáriid biiladáhki nala, ja go gullái de son lei juo ollen stuora máilbmái. Geavai oainnat nu ahte Ovllá-eanu lei fitname Bizobázovuovddis, ii ge fuobmán ahte Májjá lei oađđime biiladáhki nalde, ja nu de Májjái gullá stuora máilmmis. Májjá nu illuda ollet fas ruoktot eará elliid lusa ja muitalit maid son lea oaidnán stuora máilmmis. Muhto Elle mielas gal lea buot somámus go Májjá fas olle ruoktot.


Muhtomin imaštallá Májjá sáhttá go son balvvaid nalde vázzit. Jáhkát go don ahte lea vejolaš? Jus háliidat diehtit movt manná, de fertet guldalit podkástta "Elle ja Májjá máilbmi". Juohke oasis beasat čuovvut Elle ja Májjá buot das maid soai vásiheaba. Soai stoahkaba, muhtomin bártideaba, muhto eanas beaivvit leat hui suohttasat. Ráiddus leat oktiibuot 25 oasi.


Lea gehppes ja álkis giella, ja ulbmil stimuleret mánáid iežaset govahallannávcca guldaleami bokte.