Geat leat prošeavtta duogášolbmot?

Guldal Rec oamasta "Elle ja Májjá máilbmi"-prošeavtta. Guldal Rec lea skearro- ja girjelágádus Álttás mii lea almmuhan olu skearruid ja girjjiid. "Elle ja Májjá máilbmi"-podkástta duogášolbmot leaba Ann-Mari Andersen ja Biret Margrethe Oskal, geat leaba ollislaččat sihke hutkan ja ráhkadan podkástta.

"Elle ja Májjá máilbmi" ilbmá sihke davvisámegillii ja dárogillii. Ann-Mari Andersen muitala ja neavttaša dárogiel veršuvnna ja Biret Margrethe Oskal fas muitala ja neavttaša sámegiel veršuvnna. Goappašagat leaba musihkkárat ja komponisttat.

Ann-Mari lea maiddái mánáidsuodjaluspedagoga, ja sus lea master ja vuosttašgelbbolašvuohta sosiála barggus, ja dán suorggis son lea čiekŋudan identitehtaovdáneapmái musihka ja kultuvra bokte. Biret Margrethes ges lea master sámi girjjálašvuođas ja lea maiddái bargan dulkan, jorgaleaddjin ja giellabargin badjel 20 jagi. Goappašagat leaba bargan podkásta-buvttademiin ovdal, "I dur og moll"-podkástta olis, mii almmuhuvvui 8 oasis juovlamánus 2020. Dán podkásttas lei Ann-Mari prográmmajođiheaddji, ja Biret Margrethe ges lei buvttadeaddji.

Bargan podkásttain:

Giehtačálus: Ann-Mari Andersen ja Berit Margrethe Oskal

Muitaleaddjit: Berit Margrethe Oskal (sámegiel veršuvdna) ja

Ann-Mari Andersen (dárogiel veršuvdna)

Lávlun ja juoigan: Berit Margrethe Oskal ja Ann-Mari Andersen

Vignehta buvttadan: Emil Austrud/Stein Austrud

Vigneahtta vokála: Lukas Austrud (dárogillii) ja Berit Margrethe Oskal (sámegillii)

Sárgun: Aron Lerberg